O'zbekiston Respublikasi Fanlar akademiyasi

T/r

Boʻsh ish oʻrinlari

Maʼlumotga talablar

Bilishi kerak

Lavozim vazifalari

Tanlovda ishtirok etish uchun hujjatlar

1.

Korrupsiyaga qarshi ichki nazorati bosh mutaxassis

Oliy (magistrlik darajadagi) maʼlumot (yurisprudensiya, iqtisodiyot, moliya, soliq, audit); mutaxassisligi boʻyicha kamida 3 yillik ish tajribasi; korrupsiyaga qarshi kurashish sohasida maxsus oʻquv kurslaridan oʻtganlik toʻgʻrisida sertifikatga ega boʻlish, Oʻzbekiston Respublikasining korrupsiyaga qarshi kurashish sohasidagi qonunchiligini bilish; xolislik, halollik va yuqori masʼuliyat; tahliliy fikrlash va mustaqil qaror qabul qilish qobiliyati; Davlat tilini mukammal bilish (rus tilini bilishga ustuvorlik beriladi); Kompyuter savodxonligi va elektron hujjatlar bilan ishlash koʻnikmalari

Oʻzbekiston Respublikasining Konstitutsiyasi va Qonunlarini, Oʻzbekiston Oʻzbekiston Respublikasining korrupsiyaga qarshi kurashish toʻgʻrisidagi qonunchiligi; mehnat, maʼmuriy va jinoyat qonunchiligi; davlat organlarida ichki nazorat tizimi; xizmat odobi qoidalari; tahlil qilish va hisobot tayyorlash koʻnikmalari

Fanlar akademiyasi tizimida korrupsiyaga qarshi ichki nazorat mexanizmlarini joriy etish va muvofiqlashtirish; korrupsiya xavf-xatarlarini aniqlash, tahlil qilish va baholash; korrupsiya xavflarini kamaytirish boʻyicha chora-tadbirlar ishlab chiqish va ijrosini nazorat qilish; ichki hujjatlar va boshqaruv qarorlarini korrupsiyaga qarshi ekspertizadan oʻtkazish; korrupsiyaga oid huquqbuzarliklar boʻyicha xizmat tekshiruvlarida ishtirok etish; korrupsiyaga qarshi kurashish sohasida vakolatli organlar bilan hamkorlik qilish; xodimlar oʻrtasida korrupsiyaga qarshi madaniyatni oshirish boʻyicha tushuntirish ishlarini olib borish; belgilangan tartibda tahliliy maʼlumotlar va hisobotlar tayyorlash

Ariza (erkin shaklda);

 Obyektivka (rezyume, CV);

Oliy maʼlumot toʻgʻrisidagi diplom nusxasi;

Til bilish darajasini tasdiqlovchi sertifikat (mavjud boʻlsa);

korrupsiyaga qarshi kurashish sohasida maxsus oʻquv kurslaridan oʻtganlik toʻgʻrisida sertifikat nusxasi

2.

Xalqaro hamkorlik va reytinglar boʻlimi yetakchi mutaxassis

Xalqaro munosabatlar, jahon iqtisodiyoti, siyosatshunoslik, filologiya yoki turdosh yoʻnalishlar boʻyicha oliy maʼlumot; magistr darajasiga ega boʻlish ustunlik beradi; xalqaro hamkorlik, tashqi aloqalar yoki reytinglar sohasida kamida 3 yil ish tajribasi; Ingliz tilini C1 darajada bilish (IELTS/CEFR sertifikati ustunlik beradi); ikkinchi xorijiy tilni bilish (rus, nemis, fransuz va h.k.) maqsadga muvofiq; tahliliy fikrlash, strategik rejalashtirish va rasmiy hujjatlar bilan ishlash koʻnikmasi.

Xalqaro tashkilotlar, xorijiy ilmiy markazlar va universitetlar bilan hamkorlik mexanizmlari; Ilmiy muassasalar xalqaro reyting tizimlari (QS, THE va boshqalar) metodologiyasi, indikatorlari va baholash mezonlari; davlat organlari va xalqaro institutlar bilan rasmiy yozishmalar olib borish tartibi; xalqaro grantlar, loyihalar va memorandumlar tayyorlash qoidalari; ilmiy-tahliliy maʼlumotlar bilan ishlash, statistik tahlil qilish usullari; MS Office (Word, Excel, PowerPoint), Google Workspace, elektron maʼlumotlar bazalari va onlayn platforma bilan ishlash; Davlat tili, ingliz tili va rus tilida ish yuritish.

Akademiya tizimida xalqaro hamkorlik strategiyasini ishlab chiqish va amalga oshirishda ishtirok etish; Xorijiy ilmiy muassasalar, xalqaro tashkilotlar va elchixonalar bilan oʻzaro hamkorlikni yoʻlga qoʻyish va muvofiqlashtirish; Akademiyaning xalqaro reytinglarda ishtirokini tashkil etish, maʼlumotlarni toʻplash, tahlil qilish va taqdim etish; xalqaro grantlar va loyihalar boʻyicha hujjatlar tayyorlash, shartnomalar va memorandumlar loyihalarini ishlab chiqish; xalqaro konferensiya, forum, seminar va uchrashuvlarni tashkil etish va bayonnomalarni yuritish; tahliliy maʼlumotnomalar, hisobotlar, taqdimotlar va rasmiy axborot materiallarini tayyorlash; rahbariyat topshiriqlarini oʻz vaqtida va sifatli bajarish.

Ariza (erkin shaklda);

Obyektivka (rezyume, CV);

Oliy maʼlumot toʻgʻrisidagi diplom nusxasi;

Til bilish darajasini tasdiqlovchi sertifikat (mavjud boʻlsa);

Ilmiy ishlar yoki nashrlar roʻyxati (mavjud boʻlsa).