O‘zbekiston Respublikasi Fanlar akademiyasi Immunologiya va inson genomikasi instituti O‘zbekiston Respublikasi Biotibbiyot texnologiyalari assotsiatsiyasi bilan hamkorlikda va mamlakatimizning “ROSSA” biotexnologiya kompaniyasi ko‘magida “SARS-CoV-2 va boshqa virusli kasalliklarni tashxislashda zamonaviy yondashuvlar” mavzusida ilmiy-amaliy seminar bo‘lib o‘tdi. Ushbu seminarda respublikamizning barcha viloyatlaridan 100 ga yaqin mutaxassislar ishtirok etdi.
Seminardan ko‘zlangan maqsad Oʼzbekiston Respublikasi Fanlar akademiyasi, Sog‘liqni saqlash vazirligi, Sanitariya-epidemiologiya osoyishtaligi va aholi salomatligini muhofaza qilish xizmati yetakchi olim va amaliyot xodimlarining eng yangi biotexnologik tadqiqotlari, PSR tashxislashning zamonaviy usullari va texnologiyalari sohalarida ilgʼor ilmiy-amaliy tajribalari bilan fikr almashishdan iborat.
Bundan tashqari, seminarda biotibbiyot texnologiyalarini rivojlantirish istiqbollari, ularni samarali mahalliylashtirish va respublikada tijoratlashtirish strategiyalari muhokama qilindi.
