Yagona aloqa raqami
  (+998) 71 2000036
;    
Ishonch telefoni
  (+998) 71 2335623
Sayt test rejimida ishlamoqda

Yangi islohotlar davridagi muhim vazifalar


2018-yil 6-noyabrda Oʻzbekiston Respublikasi Fanlar akademiyasi tomonidan Milliy matbuot markazida Oʻzbekiston Respublikasi Prezidenti Sh.Mirziyoyevning 2018-yil 6-aprelda OʻzR FA Oʻsimlik moddalari kimyosi institutida olimlar bilan oʻtkazgan uchrashuv bayonida belgilangan topshiriqlar ijrosi boʻyicha amalga oshirilgan ishlarga bagʻishlangan matbuot anjumani oʻtkazildi. Unda FA bosh ilmiy kotibi, ilmiy-tadqiqot institutlari rahbarlari hamda yetakchi olimlar ishtirok etdi. Matbuot anjumanida FA bosh ilmiy kotibi Gʻ.Baxadirov joriy yil 6-aprelda Davlatimiz rahbari bilan boʻlgan uchrashuv Fanlar akademiyasi olimlari uchun katta ahamiyatga ega boʻlganligini alohida taʼkidladi.

Shuningdek, FA Oʻsimlik moddalari kimyosi instituti direktori Sh.Sagdullayev soʻzga chiqib, Institutda tajriba-ishlab chiqarish jarayoni xalqaro GMP standartiga muvofiq modernizatsiya qilinayotganligi va buning natijasida yiliga 500 tonnadan ziyod oʻsimlik xom ashyosini chuqur qayta ishlash imkoniyatini yaratilganligi haqida so`zladi. Joriy yildan 30 dan ortiq tabiiy toza, import oʻrnini bosuvchi va eksportbop dori vositalari ishlab chiqarish imkoniyatini berishini ta’kidlab oʻtdi.

Anjuman ishtirokchilariga Prezident topshirigʻi asosida bajarilayotgan ishlar yuzasidan maʼlumotlar berildi.


Yangiliklarni telegram kanalimizda kuzatib boring!