Yagona aloqa raqami
  (+998) 71 2000036
;    
Ishonch telefoni
  (+998) 71 2335623

O’zbekiston tarixi davlat muzeyi fondidan: tosh stelalar


Oʼzbekiston shimolidan topilgan VII–VIII asrlarga tegishli tosh stelalar hozirda O’zR FA O’zbekiston tarixi davlat muzeyida saqlanadi.  Oʼrta asr davri koʼchmanchilar madaniyati ravnaqi turklarning monumental yodgorliklar sanʼatida oʼz ifodasini topgan.

Ushbu tosh stelalar orqali oʼz dunyoqarashini ifoda etishni istagan, maʼnaviy qadriyatining atrofdagi oʼzga aholi madaniyatidan alohidaligini taʼkidlamoqchi boʼlgan koʼchmanchilar ichki olami yorqin ifodasini topgan deb aytish mumkin. Turklar yaratgan diniy yodgorliklar ularning oʼziga xos tafakkurini, makon va zamondagi oʼzligini namoyon etib turadi. U asosan koʼchmanchilar dunyoqarashini ifoda etib, oʼz atroflaridagi mahalliy aholidan farqlanuvchi ichki olamini yorqin tarzda aks ettirishga intilgan. Turli yoshdagi odamlarni tasvirlovchi yirik haykallar boʼlib, ular chehralari va gavda tuzilishlari nihoyatda soddaligi bilan farqlanadi hamda yaxlit xarsang toshlardan yasalgan. Tosh stelalar ajdodlar dini bilan bogʼliq turk madaniyati yodgorliklaridir. Bu buyumlar halok boʼlgan jangchilar qabrlari ustiga tikka qilib qoʼyilgan. Tosh haykallar gʼarbda Dnestrdan tortib, sharqda Oltoy va Moʼgʼulistongacha rusm boʼlgan. Sibir, Kavkaz, Qozogʼiston, Oʼrta va Markaziy Osiyo, Yevropaning shimoli — gʼarbi va Аfrikada ham uchraydi.


Yangiliklarni telegram kanalimizda kuzatib boring!