O’zR FA Ion-plazma va lazer texnologiyalari instituti olimlari tomonidan sublimatsion quritish qurilmasi yaratildi.
U oʼzida quyidagi xususiyatlar va afzalliklarni mujassam etgan:
- energiya tejamkor;
- toʼliq tozalash va yuvish onson boʼlgan ishchi kamera;
- oldindan oʼrnatilgan retseplar va yangi retseplar kiritish imkoni mavjud boʼlgan intuitiv tushunarli boshqaruv tizimi;
- oddiy boshqarish va texnik xizmat koʼrsatish;
- masshtablanuvchi dizayn va import analoglarga nisbatan arzon narx.
Vakuum sublimatsion quritish texnologiyasi oziq-ovqat mahsulotlarini, shu jumladan, meva va sabzavotlarni, shuningdek, mikrobiologik va biomedikal preparatlarni (jonli va faollashtirilmagan vaktsinalar, mikroorganizmlar madaniyati, plazma, diagnostik preparatlar, vitaminlar va boshqalarni) uzoq vaqt saqlash uchun ishlatiladi.
